पाऊस कविता

।। पाऊस इकडेही आहे
पाऊस तिकडेही असेल ।।

तू भिज मनसोक्त
मीही भिजेल
अपेक्षांचं आभाळ घेऊन
बाप झुरत निजेल...
पाऊस इकडेही आहे
पाऊस तिकडेही असेल ।।

उन्ह वारा विजा
सोबत काळजी अन घालमेल
रानी उधळलेलं सोनं
काळीज त्याचं उसवेल...
पाऊस इकडेही आहे
पाऊस तिकडेही असेल ।।

धावेल बेभान होऊन
तूर, मका झाकून देईल
धो धो मुद्दाम कोसळेल
संसार त्याचा उघडा होईल...
पाऊस इकडेही आहे
पाऊस तिकडेही असेल ।।

जग म्हणावं बिनधास्त
दोर बिर फेकून दे
कितीही होउदे अन्याय
मातीमध्ये झोकून घे...
माती कुशीत घेऊन
तुझ्यासवे अंकुरेल...
पाऊस इकडेही आहे
पाऊस तिकडेही असेल ।।

© Vikas Waghamare
📱 8379977650
सोलापूर