तू गेलीस तेव्हा...

केसातला चाफा
किणकिण कंगणचाळा
परसातल्या मोगरपाकळ्या
काळजातली तार
आठवणींचं मोरपीस..

हे एकाकी हाती राहीलं....

तू गेलीस तेव्हा...
दरदरून मोत्या मोत्याच्या
हिशोबानं खळखळ
झुळझुळ अन रेशीम थेंबानं
माझं अंगण भरून वाहिलं...

तू गेलीस आणि मग
तुझ्या माझ्या आणि....
यातनांनी बाजार मांडला...
बेमालूमपणे हरेक याद
उसळून आली
मोरपीस अन गिफ्टेड
सग्गळं सग्गळं
जाब विचारू लागले
एका मोत्यांच्या चांदणीनं
पहिल्या वहिल्या
पावसाला अंगावर पांघरत
"एकटं" जाणं..
अन तू एकाकी पाहणं
शोभतं का..?💞💗💞

© विकास विठोबा वाघमारे
📱 8379977650